Ormsblogg

Síðan síðast höfum við unnið báða mótherjana í útvarpinu og eru því komin aftur í sjónvarpið. Það er gott fyrir athyglissjúka MH-inga eins og okkur og við getum lofað skemmtilegum búningum. Þrátt fyrir hættuna á því að hljóma hrokafullur þá er ég nokkuð sáttur með dráttinn í sjónvarpið. MK vinnur líklega FG (sem var nú reyndar drauma andstæðingur Garðbæingsins í liðinu) og MR sömuleiðis MS. MA-Verzló verður því líklega mest spennandi keppnin en þó að Verzló hafi ekki staðið sig neitt sérstaklega vel þá eru þeir frekar mistækir og ég býst við góðum árangri í sjónvarpinu. Frá feminísku sjónarmiði væri þó best að MA kæmist sem lengst (eða við).

Annars hef ég haft það nokkuð gott síðan við unnum þrátt fyrir kvefpestina sem ég hef verið að jafna mig á. Máni er kominn til landsins að nýju sem er gott því að ég hafði ekkert tækifæri til þess að hitta hann fyrir jól. Næsti mánuður verður svo helgaður glósum.

Ætli maður reyni ekki að viðhalda þessari síðu eitthvað betur en bloggernum úr því að þetta er nú einu sinni gjöf.

Enn og aftur er komið að Gettu betur og fyrsta viðureignin er við Hvanneyri núna á morgun. Núna ætla ég mér ekki að verða virtur Gettu betur bloggari eins og Snorri félagi minn en ætli ég leyfi mér ekki að spá aðeins í þetta.

Það borgar sig aldrei að vanmeta andstæðinginn og miðað við stærð hefur Hvanneyri bara staðið sig nokkuð vel, allavega betur en Iðnskólinn í Hafnarfirði. Hinsvegar erum við með gott lið og við höfum öll reynslu af fyrri keppnum svo að ég býst við því að við komumst í aðra umferð. Hún veldur mér hinsvegar nokkrum áhyggjum (ef að við leyfum okkur að hugsa sem svo að við komumst áfram) þar sem að ekkert stendur í vegi fyrir því að við lendum á mótu MR og Versló, liðum sem ég er ekki viss um að við gætum sigrað með svo stuttum fyrirvara. Ef ég tek mér það bessaleyfi að hugsa enn lengra fram í tíman þá er sjónvarpið náttúrulega alltaf markmið fyrir athyglissjúk Gettu betur lið eins og okkur. Sigurinn er svo náttúrulega lokatakmarkið enda ekki seinna vænna að virðuleg menntastofnun eins og MH hampi hljóðnemanum.